42 жыл құжатсыз жүрген жазасын өтеушіге жеке куәлік алуға көмек берілді
Жамбыл облысы бойынша Қылмыстық-атқару жүйесі департаментіне бағынысты ЖД-158/2 мекемесінде жазасын өтеп жатөан сотталған А. Клинюшин 42 жыл бойы жеке басын куәландыратын құжатсыз жүрген.
Аталған мекемеге түскен соң азаматқа мекеме қызметкерлдері қолдау көрсетіп, құжаттарын түгендеуге қол ұшын созды. Осының нәтижесінде А. Клинюшин алғаш рет жеке куәлігін алды.
Осыған орай сотталған азамат бұл істе үлкен көмек көрсеткен арнайы бөлім бастығы, әділет аға лейтенанты Наргиза Жолмұхамедоваға алғыс білдіріп, шын жүректен шыққан тілегін қағаз бетіне түсірді.
