Орта есеппен алғанда бір адамның табысы 2018 жылғы қаңтарға қарағанда 10,5 пайызға көбейген
2019 жылғы қаңтарда халықтың орта есеппен жан басына шаққандағы атаулы ақшалай табыстары бағалау бойынша 94975 теңгені құрады, бұл 2018 жылғы қаңтарға қарағанда 10,5% жоғары, ал нақты ақшалай табыс көрсетілген кезеңде 5,1% жоғарылады. Бұл туралы Ұлттық экономика министрлігінің Статистика комитеті хабарлады.
2019 жылғы ақпанда бір қызметкердің орташа айлық атаулы жалақысы бағалау бойынша 167682 теңгені құрады. 2019 жылғы ақпанда жұмыссыздар саны бағалау бойынша 440,3 мың адамды құрады. Жұмыссыздық деңгейі жұмыс күші санына 4,8% құрады. Жұмыспен қамту органдарында жұмыссыздар ретінде тіркелгендер саны 2019 жылғы ақпанның соңына 131,8 мың адамды құрады немесе жұмыс күшіне 1,4%.
